Хун шувуу

Блогынхоо анхны постыг хун шувууны тухай нийтлэхээр боллоо. :D

Хун шувуу нь 18 - 24 ширхэг буюу бусад шувуудаас 2 дахин урт далавчин өдтэй шувуу юм. Тэр ихэвчлэн гол нууртай газар амьдарна. Усанд сэлэхдээ сайн, нисэхдээ уддаг ч гэсэн хөөрсөн тохиолдолд их хурдан ниснэ. Явахаас уcанд байхыг илүүд үздэг. Голдуу ургамал, усан доорх ургамал өт, жижиг загас, шавьжаар хооллоно. Хун нь хосоороо амьдарч ангаахайгаа мөн хамтдаа өсгөнө. Домог өгүүлснээр нарны аймгийн үүслийн сургаал дээрх будлиан самуурлын эсрэг боссон шувуу гэдэг. Мөн хун нь нарны алтан өндөгийг гаргадаг гэх ч яриа бий. Учир нь нар болон хун нь бие биетэйгээ үг хэлгүйгээр ойлголцож чаддаг гэнэ. Хятад улсад хунийг тэнгэртэй холбогддог хайр дурлалын бэлэгдэл гэж үздэг бол Европт хун шувуу гаднаа гоё харагддаг боловч дотроо муу зүйл агуулж байдаг гэж үздэг байна. Одоо үед зарим улс орнуудад хун шувуу нь муу сүнс гэгээлэг дүрд хувирч орсон хэмээн үздэг нь гайхалтай. Нэг домогт хун шувууг нуурын эрэг дээр ирж гаднах төрхөө тайлаад үзэсгэлэнт бүсгүйн дүрд хувирч усанд орсон гэж өгүүлжээ. Харин бүсгүйг усанд орж байхад нь нэг залуу ирж түүний хун нөмрөгийг авч, бүсгүй өөрийнхөө эхнэр болох санал тавьдаг. Бүсгүй түүнд нэгэн болзол тавьснаар хуримаа хийжээ. Санаандгүй залуу бүсгүйн болзолыг эвдэж бүсгүйн уурыг хүргэсэн гэнэ. Тэгээд бүсгүй хун нөмрөгөө авч буцаад хун шувуу болон хувирч нисэн оддог. Харин хун бүсгүй ихэд уурласан байсан бөгөөд зуны улирал, нар мөн үржил шимээ аван нисдэг билээ. Зарим домогт хунг хар цагаан гэж байдаг бөгөөд хар нь гай зовлон, цагаан нь ариун цайлган сэтгэлтэй сайн зүйл авчирдаг гэж үздэг байна. Хун нь хайр дурлалын билэг тэмдэг гэж ихэнх хүмүүс үздэг ч нөгөө талаас ганцаардал, бас хосоороо байж бүхнээс илүү бусдад гайхуулж явдаг гэдэг эсрэг тохиолдолууд байдаг байна.